શાળામાં ભૌતિક અને શૈક્ષણિક વાતાવરણ જેન્ડર બાયસ મુક્ત કરવા માટે શાળા કક્ષાએ વર્ષ ૨૦૧૪-૧૫ થી જેન્ડર ઓડીટ કરવામાં આવે છે. આ ઓડીટ કરવા માટે સમગ્ર શિક્ષા દ્વારા એક ચેકલીસ્ટ તૈયાર કરવામાં આવેલ છે. જેમાં વીસ (૨૨) મુદાનો સમાવેશ કરેલ છે.આ ચેકલીસ્ટને આધારે ઓડીટ દરમ્યાન જોવા મળતી ખામીઓ દૂર કરવાનો પ્રયત્ન કરવામાં આવે છે. વર્ષ ૨૦૧૭-૧૮ માં રાજય કક્ષાએથી મદદનીશ જિલ્લા કો. ઓ. - ગર્લ્સ એજ્યુકેશનને પોતાના જિલ્લાની ઓછામાં ઓછી ૫(પાંચ) શાળા પસંદ કરી આ શાળાઓમાં વર્ષમાં બે વાર (પ્રથમ સત્ર અને દ્વિતિય સત્રમાં) જેન્ડર ઓડીટ કરવા જણાવવામાં આવેલ હતું જેથી પ્રથમ મુલાકાત દરમિયાન ધ્યાને આવેલ સુધારાત્મક બાબતો માટે આપવામાં આવેલ સૂચનો મુજબ કામગીરી થાય છે કે નહી તેનું ફોલોઅપ બીજી મુલાકાત દરમિયાન લઇ શકાય.

ચેકલીસ્ટના મુદાને મુખ્ય ત્રણ વિભાગમાં વહેંચવામાં આવેલ છે.

(A) શાળા અને વર્ગખંડનું ભૌતિક વાતાવરણ

(B) શાળા અને વર્ગખંડનું શૈક્ષણિક વાતાવરણ

(C) શિક્ષક વિદ્યાર્થી વચ્ચેનો વર્ગ વ્યવહાર અને પેડાગોજી

ઉપરોક્ત બાબતો જોતા શાળાઓની પ્રથમ મુલાકાતની સાપેક્ષે બીજી મુલાકાત દરમિયાન શાળા અને વર્ગખંડના ભૌતિક વાતાવરણ, શાળા અને વર્ગખંડના શૈક્ષણિક વાતાવરણ તેમજ શિક્ષક વિદ્યાર્થી વચ્ચેનો વર્ગ વ્યવહાર અને પેડાગોજીમાં ઘણો સુધારો જોવા મળેલ છે પરંતુ અમુક મુદાઓ પર હજુ વધારે કામ કરવાની જરૂરિયાત જણાય છે. સુધારાત્મક બાબતો માટે ગ્રામ્ય કક્ષાએ શેરી નાટકો, ફિલ્મો બતાવવી, બાળકો ધ્વારા રેલીનું આયોજન, વાલી મિટિંગ, એસ.એમ.સી. સભ્યોની તાલીમ જેવી પ્રવૃતિઓનું આયોજન કરી શકાય.

રાજ્યમાં કન્યા કેળવણીમાં સુધારો લાવવાનું લક્ષ્ય પ્રાપ્ત કરવા માટે સમગ્ર શિક્ષા અન્ય વિભાગોનું સાથે સંકલન કરીને વ્યૂહરચના કરવામાં આવેલ છે. શિક્ષણ વિભાગના સહયોગથી રાજ્યની કેજીબીવી કાર્યરત છે. વર્ષ ૨૦૧૮-૧૯ દરમ્યાન નીચે મુજબ સંકલન કરવામાં આવેલ છે: